మాజీ పోలీస్ అధికారి ఉన్మాదిలా మారి.. చిన్నారులపై విచక్షణారహితంగా కాల్పులు జరిపిన ఘటనలో 22 మంది చిన్నారులతో పాటు 36 మంది ప్రాణాలు కోల్పోయిన ఘటన థాయ్‌లాండ్‌లో ఇటీవలే చోటుచేసుకున్న విషయం తెలిసిందే. మూడు గంటల పాటు రాక్షస కాండ సాగించినా పోలీసులు మాత్రం నత్తనడకన స్పందించడమే ఇంతటి విషాదానికి దారితీసింది. పోలీసుల వైఖరి కారణంగానే భారీ ప్రాణనష్టం వాటిళ్లిందని, సకాలంలో స్పందించి ఉంటే మరోలా ఉండేదని బాధితులు వాపోతున్నారు.
ప్రధానాంశాలు:
- జనవరిలో ఉద్యోగం నుంచి తొలగించిన అధికారులు
- విడాకుల తీసుకున్న మహిళతో నిందితుడు సహజీవనం
- విడిపోవడానికి ప్రియురాలు సిద్ధం కావడంతో ఆగ్రహం
- ఈ హింసాత్మక ఘటనకు తీవ్ర భావోద్వేగం కారణమని థాయ్‌లాండ్ డిప్యూటీ పోలీస్ చీఫ్ జనరల్ సురచతే హకప్రాన్ అన్నారు. ఉద్యోగం నుంచి అతనిని తొలగించడం సహ ఆర్థిక, కుటుంబ సమస్యలను సూచిస్తుందని తెలిపారు. ఆ రోజు పన్యా కదలికలు అస్పష్టంగా ఉన్నాయి. వివిధ ప్రాంతాల్లో అనేక హత్యలు జరిగాయి. పోలీసులు ఇంకా సమగ్ర నివేదికను విడుదల చేయలేదు. మూడు గంటల పాటు అతడు నరమేథానికి పాల్పడితే.. పోలీసులు మాత్రం తీరిగ్గా స్పందించడం గమనార్హం.
ఈ ఏడాది జనవరిలో జనవరిలో డ్రగ్స్ కారణంగా ఉద్యోగం నుంచి అధికారులు తొలగించారు. దురుసు ప్రవర్తన, తరుచూ గొడవకు దిగేవాడని సహోద్యోగులు చెప్పారు. బయటకు వెళ్లినప్పుడు మాత్రం తన ప్రియురాలు, ఆమె కుమారుడ్ని లోపలి ఉంచి బయట తాళం వేసేవాడని ఇరుగుపొరుగువారు చెబుతున్నారు.
ఊచకోత జరిగిన రోజు తొలుత డ్రగ్స్ ఆరోపణలపై కోర్టు చివరి విచారణ జరగ్గా.. మర్నాడు తీర్పు వెలువడాల్సి ఉంది. ఘటనకు ముందు ప్రియురాలితో ఘర్షణ జరిగిందని, ఈ క్రమంలో అతడి నుంచి విడిపోతానని ఆమె చెప్పడంతో ఆవేశంతో బయటకు వచ్చాడని పోలీసులు పేర్కొన్నారు. తిరిగి ఇంటికి తిరిగి వచ్చేసరికి తన కొడుకును తీసుకుని ఆమె వెళ్లిపోయిందని తెలిపారు. ఆ తర్వాత ట్రక్కులో బయలుదేరి తన ఇంటి ముందు మలుపు వద్ద వెలుపల మోటార్ సైకిల్‌పై ఉన్న వ్యక్తిని ఢీకొట్టాడు. అతడు కిందపడ్డ తర్వాత కాల్చి చంపాడు.
